Da andere Weg wa\u00df zerst nit recht, wohin er soll, er schlenkert durch die Felder, als w\u00f6llet er lei a bi\u00dfl umaschaugn. Aber wie er hinter an klan Bichelen vorbei is und es Wirtshaus dasieht ziecht er pfeilgrad drauf zue, und just vor da Wirtshaust\u00fcr valaft er in da bratn Stra\u00dfn, d\u00f6 ins Stadtl eichnf\u00fchrt.<\/p>\n

Die Wegschaderleut sein a bi\u00dfl eign. Se brauchn zerst an Rempler, bis se in Schwung k\u00f6mmen. Aber seind se amal aufn Weg, kannst se nit leicht mehr aufhaltn.<\/p>\n

Anige von s\u00f6nen seind mehr in Waldweg gangen, die andern mehr in Talweg und \u00f6ttlerne haben se \u00fcberhaupt nie entscheidn kinnen. D\u00f6 seind aufn Bankl beim Wegkreuz sitzn gebliebn und wieder zruck ins Haus gangen. S\u00f6 haben mitn \u00c4lterwerdn inwendige Augn gkrieg, seind mast ledig gebliebn, und immer amal, wenn grad aner von de \u201eLafer\u201c Bauer is gwesn, haben se Haus und Hof zammghaltn.<\/p>\n

Da hietzige Wegschader is a \u201eInwendiger\u201c. Seit a zwanzg Jahr is er kaum mehr ausm Hausgartl ausak\u00f6mmen. Schoen wann er ins Dorf eichngeht, is ihm, als gang er in die Fr\u00f6men.<\/p>\n

Er hat sein Hof recht ordentlich beinander, aber er kimmt nit mit der Zeit mit: Beim Viech ka rechte Ra\u00df, es Zeug veraltet, is ka Schwung aufn Hof, alls kriecht lei so dahin. Und er kann se nit aufrappln zen \u00dcbergebn.<\/p>\n

Die badn S\u00f6hn seind \u201eLafer\u201c. Da \u00e4ltere, da Karl, geht in Waldweg. In aller Fr\u00fceh di B\u00fcchsn \u00fcber die Achsl, aufn in Wald. Und wann er a Wild sieht, mue\u00df gschossn sein. Seine Augn brinnen. Er hat se nit in da Hand, und die Leut weichn ihm gern aus, wann er daherkimmt.<\/p>\n

Da J\u00fcngere, da Hans, is recht flink bei da Arbeit, a Zammrei\u00dfer, wie man sagt. \u2013 Aber mittn im Arbeitn schmei\u00dft er gach amal weck, was er in die H\u00e4nd hat, ziecht es Sunntaggwand an und schlangglt in Feldweg ausn zen Wirtshaus.<\/p>\n

Nit, da\u00df er a Saufer war, aber er sitzt und sitzt, singt und diskutiert, Leut m\u00fcessn um ihn sein, und wenn er beim Wegwirt kane findet, geht er weiter ins Stadtl eichn. \u2013 A bei ihm kinnen die Augn brinnen. Noacha is Feuer aufn Dach! Noacher stabts.<\/p>\n

Die B\u00e4urin liegt schuen lang aufn Friedhof drau\u00dfn, a \u201eInwendige\u201c, a Schwester vom Bauern, d\u00f6 nit gheiratet hat, f\u00fchrt die Wirtschaft.<\/p>\n

Da Hans sagt: \u201eWas soll i daham! Kaner bei uns macht es Maul auf, a jeder sinniert in sich eichn, es is zen Sterbn hergrichtet.\u201c<\/p>\n

Aber d\u00f6na will er nit furt von daham. Es Haus is so brat hinglagert, da acherne Tisch in da Stubn blitzsauber, und in da Nacht krachn die schwarn Holztram, es Haus redet mit dir, du kannst nit weck von ihm.<\/p>\n

Und au\u00dferdem is noch nit ausgmacht, wer Bauer wird, das wa\u00df man beim Vater nie!<\/p>\n

*<\/p>\n

Da Wegschaderhof is a alter Freibauernhof, und \u00fcber da groa\u00dfn rundbogign Haust\u00fcr is es Dopplfenster.<\/p>\n

Gehste durchs Tor ins Haus, stehst de zerst in da groa\u00dfn Labn, und a alter L\u00e4rchnbodn kratscht unter deine F\u00fce\u00df. Er is schoen hisch abgetretn, und die banhirtn Astkn\u00f6pf machen a wellige H\u00fcgllandschaft draus. War niemmer guet tanzn drauf. \u2013 Aber wer wird denn schuen tanzn beim Wegschader! Und Kinda siefln a kane drauf uma, so kann se kaner an Spie\u00df einziechn.<\/p>\n

A schwars Gw\u00f6lb h\u00e4ngt dr\u00fcber und a jeds Jahr vorn Kirchtag wei\u00dfts da Wegschader mit Kalch aus, so da\u00df es Licht, das durchs klane Fenster eichablecketzt, an helln Widerschein hat. Und wenn es Haustor offn is, bl\u00fcehn di Roasn und Federnagl auf die Trugnen und Kastn, d\u00f6 brat bei da Wand lahnen, farben auf. \u2013 Sunst is a weite Laarn drin, d\u00f6 lei amal im Jahr \u2013 beim T\u00fcrggnfiedern \u2013 voll werd.<\/p>\n

In die tiefn T\u00fcrnischn huckt in ganzn Tag die Finster. Von da Labn kimmst de in die Kuchl und von der wieder ins Gw\u00f6lb, wo die Speckseitn h\u00e4ngen und alls andere, was die B\u00e4urin zen Kochn bei die H\u00e4nd haben mue\u00df.<\/p>\n

A T\u00fcr lasst di in die Stubn eichn, a andere ins St\u00fcbele und a dritte in die Leutstubn, d\u00f6 hietz laar is. \u2013 Fr\u00fceher amal is da drin wohl a Lebn gwesn. Drei Knecht, vier Mentscher, da Almhalter, die Senndin und a Bue seind da beim langen Tisch gsessn, und zabndsta habn die Spinnradlen gschnurrt, die Knecht haben es Zeug gflickt, und a Fotzhobl hat gjodlt oder gar a Ziehharmoni dazwischngschnarcht. Das is hietz aus! A alter Knecht is no da, der mehr oder minder aufs Wecksterbn wartet, und a Mentschin, bei ders im Oberst\u00f6ckl lei mehr finster is und d\u00f6 mit de Fackn und K\u00fceh mehr redet wie mit die Leut \u2026<\/p>\n

Essn tuen hietz alle zamm in da Stubn. Die Tant Anna, in Bauer sei Schwester, d\u00f6 die Wirtschaft f\u00fchrt, jammert zwar: \u201eZwas haben ma denn in groa\u00dfn Kuchltisch! \u2013 Mue\u00dft es ganze Essn \u00fcber die Labn tragn.\u201c Aber beim Wegschader rinnt das ganze Gsurm lei oachn. Es wird weiterhin in da Stubn gessn, wies alleweil gwesn is, wie die Wegschader noch halbete Herrnleut gwesn seind.<\/p>\n

Da groa\u00dfe, gr\u00fcengekachlte Bachofn, der von da Labn aus ghazt wird, steht halbet in da Stubn und halbet in da Leutstubn. Noch alleweil hazt er im Winter bade Stubnen. Hat schuen viel W\u00f6rtlerei deretwegn gebn. \u201eDie laare Leutstubn hazn!\u201c sp\u00f6ttlt da Hans. \u201eSein ma bei die Schildb\u00fcrger daham? \u2013 Rei\u00df man ausa und stelln an elektrischn Bachofn in die Kuchl, d\u00f6 is e a Tanzsaal, is gnueg Platz durt!\u201c \u2013 Aber da Vater bleibt stur. \u201eI will mei Broat vom altn Bachofn haben. D\u00f6 Buechnscheiter daf\u00fcr klieb i e selber auf!\u201c \u2013 Zornig legt er sein L\u00f6ffl weck, er hat schuen gessn, wann \u00fcber sein altn Bachofn gsp\u00f6ttlt werd. \u2013 Wann i amal niemmer bin, kinnt d\u00f6s tuen, was enk passt, hietz bleibt er noch\u201c!<\/p>\n

*<\/p>\n

A brate ausgetretene Stiegn bringt di in Oberstock, wo da Vorraum a groa\u00dfm\u00e4chtiger Saal is, und runduma seind die Schlafkammern. Es Liecht fallt brat durchs groa\u00dfe Dopplfenster in Saal eicha, in da Mittn stehn drei lange Achntisch beinander mit schware B\u00e4nk uma. Jahraus-jahrein wird die Tafl niemmer aufgedeckt, und es trauert a groa\u00dfe Valassnheit um d\u00f6 laarn B\u00e4nk. Nebn da Anricht h\u00e4ngen noch a paar m\u00e4chtige kupferne Sch\u00f6pfpfannen, und da Hans putzt se a paar Mal im Jahr, \u201edamit wenigstns eppas glanzt in derer grausign Valassnheit\u201c, wie er sagt.<\/p>\n

Die Kirchtagladerei, die Hoasetn und die Tafn im Haus haben schuen lang aufgh\u00f6rt, lei da Hans setzt se im Summer oft amal mit da Ziehharmoni aufn, \u201elei, weils so schien hallt!\u201c Tief drin in sein Herzn tuets ihm lad, da\u00df da Saal hietz a so unnutz is. War er \u00f6fters voller Leut, brauchet er nit ins Gasthaus lafn, wo er d\u00f6 bierflecketn Tisch e nit mag. In ihm is halt noch a bi\u00dfl alts Herrntum, das Leut um sich braucht, und amal von Zeit zu Zeit a tolls Essn und a Rausch derf a dabei sein, da\u00df de aus dir ausasteign kannst wie a Erzengl!<\/p>\n

Ja, und in da Winternacht, wann da Monet banhirt aufn Schnee liegt, is oft da \u00e4ltere Sohn, da Karl, im Saal. Er hat an Stuehl vors hintere Finster gruckt, durt sitzt er mit Filzstiefl auf die F\u00fce\u00df und an zottetn Schafpelz \u00fcber die Schultern. \u201eWie da Spitzbartl\u201c, denkt se da Hans. A Fensterfl\u00fcgl is offn, und da Gwehrlauf glanzt in Monet ausn. Da Karl tuet da Fuchspassn. Hintern Haus is da Krautgartn und danebn da Hehnderstall. Hisch anige F\u00fcchspelz hat er se so schuen dagattert und dann e wann an Hasn, der bei die Krautstr\u00fcnk gnaget hat.<\/p>\n

Wann er so durtsitzt, a schwarzer Haufn im eichfallndn Monetliecht und da Gwahrlauf blitzt, kimmts in Hans f\u00fcr, die Zeit war aus die Fugn gekracht, es kinnet nit wahr sein, da\u00df ma im zwanzigstn Jahrhundert leben, und wann gar a Schu\u00df mit wildn Hall in die Nacht ausn p\u00f6llert,<\/p>\n

fahrt er ausn Schlaf und mant im Augnblick, Rauber oder Kriegsleut warn umers Haus!<\/p>\n

Aber er sagt nix zu sein anschichtign Brueder, denn d\u00f6 zwa m\u00f6gn se, obwohl se wie Feuer und Wasser seind. Lei gach amal, bei irgend an W\u00f6rtl, da zischts zwischn s\u00f6nen auf, da bricht was aus s\u00f6nere Herzn ausa, a blanker Ha\u00df, den se selber nit w\u00f6lln und der s\u00f6nen wie a finstere H\u00f6ll v\u00fcrkimmt. \u2013 S\u00f6 druckns oachn und kaner mirkts und a jeder tuet in andern danach a klane Freundlichkeit. Da Hans sagt epper: \u201eWer i heunt f\u00fcettern, geh lei auf die Abndpirsch, Karl!\u201c \u2013 und er holt wieder amal den Traktor aus der Remissn, weil er siecht, wie da Brueder heunt ruehlos umananderschaugt. \u2013 \u201eLaf lei, wer wohl i die Quendlwiesn mahn!\u201c<\/p>\n

Soweit war alls in bester Ordnung zwischn s\u00f6nen. Aber bade seind so in da Angst, da\u00df es amal wider Willn ganz gfahlt ganget zwischn s\u00f6nen. \u2013<\/p>\n

Bsunders der Karl, der ja oft in Waldweg geht, is in Sorg. Wo da Weg nach an st\u00fccklen Bichl<\/p>\n

in Grabn eichnbiegt, da bricht a hoache Wand glei nebn en Weg gach in Grabn oachn, und da stehn zwa Marterlen. Bade geltn f\u00fcr die Wegschaderleut.<\/p>\n

Aufn an siechst, wie in aner Winterlandschaft a Heurei\u00dfl \u00fcbern Weg ausnschie\u00dft. Der Mensch, ders weist, ruedert mit H\u00e4nd und F\u00fce\u00df in da Luft. Drunter steht:<\/p>\n

Da drunten lieget der Kunrad Wegschader, Bauer allhier.<\/p>\n

Versagt hat ihm beim Heuziehen die Spier.<\/p>\n

Hietz liegt er unten,<\/p>\n

kunnt nit mehr gsunden.<\/p>\n

S\u00f6ttene Marterlen stehn \u00fcberall in die Berg, is nix Bsunderes, der Fall. Aber es zweite Marterle bringt in Karl alleweil zen Nachdenkn. Da is die gleiche Gegend abgmalt, aber es is Nacht, und da Monet scheint. Von der Wegkantn weckgstoa\u00dfn, fliegt a Jager durch die Luft, kirzngrad in die Schlucht oachn, und dahinter steht mit gspreizte F\u00fce\u00df a zotteter, schwarzer Gamsbock mit gl\u00fcehende Augn. Du gsp\u00fcrst fast den Rempler, mit dem er in Jager in die Tiefn gstoa\u00dfn hat. Drunter steht gschriebn: Da druntn ruhet der Sepp Wegschader, der Herr gibt ihm Frieden! Und noacher noch der seltsame Spruch:<\/p>\n

O Brueder mein, drei Vaterunser bet,<\/p>\n

weils Leben in die Abgr\u00fcnd geht.<\/p>\n

Es lebet wohl in jedem Tschock,<\/p>\n

a rabenschwarzer, schiecher Bock!<\/p>\n

Das is wahrlich a h\u00f6chst seltsamer Marterlspruch. Und ob de willst oder nit, du mue\u00dft dr\u00fcber nachdenkn, wer epper wohl da schwarze Bock gwesn sein kunnt, der im Tschock glebt hat! \u2013<\/p>\n

Und wenn da Karl auf das gache Aufbrinnen zwischn ihm und sein Brueder denkt, werd ihm ganz schlecht, denn so \u00e4hnlich kinnet die Gschicht mitn Sepp Wegschader wohl gwesn sein. \u2013<\/p>\n

Aber wie gsagt, es wa\u00df niemb mehr was Rechts \u00fcber d\u00f6 alte Gschicht.<\/p>\n

Im November \u2013 die stillere Zeit aufn Hof hat grad angfangen \u2013 kimmt a Fr\u00f6mer zen Wegschader und will mitn Bauer redn. Du mirkst auf da Aussprach, er mue\u00df ausn Tirolerischn k\u00f6mmen. Da Bauer f\u00fchrt ihn in die Stubn. Die Tant Anna bringt an Speck und a Stamperle, da Fr\u00f6me i\u00dft und trinkt, s\u00f6 redn nit viel dabei, es Wetter mue\u00df herhabn, da\u00df a d\u00fcnns Fadnle daspunnen wird. Wie da Fr\u00f6me mit da Jausn fertig ist und es zweite Stamperle eingegossn wird, fragt der Wegschader: \u201eUm was geht\u2019s?\u201c \u2013 Da Fr\u00f6me schaugt noch a Weil in da Stubn uma. \u201eI bin da Gamperer z`Eppan in S\u00fcdtirol. Bei enk da is die Stueggerin amal Senndin gwesn?\u201c \u2013 Die Stueggerin, denkt da Wegschader. Wie de an Menschn so ganz und gar vagessn kannst! \u2013 Mit der hat da Vater nach der Eh alse stanalter a Kind ghabt. \u2013 Er wa\u00df wohl davon, hat dazumal a grauslens Maulzerrei\u00dfn gebn, und er hat se damisch gschamt, is ja er schuen gleim bei de Fufzg gwesn und da Vater die l\u00e4ngste Weil schuen im Auszug! \u2013 Die Senndin is weck, bevor es Kind dagwesn is. Noacha hat da Vater in hintnghaltenen Wald ausgschlagn, in Mentsch a ordentliche Aussteuer gebn, und das hat in Eppan in Stuegger, an klan Beamtn gheiratet! \u2013 Soviel wa\u00df er von der Gschicht.<\/p>\n

Und hietz sitzt da Gamperer aus Eppan in da Stubn und r\u00fchrt in d\u00f6 altn Gschichtn uma. \u2013 \u201eWas is mit da Stueggerin\u201c, fragt da Wegschader. \u201eIs gstorbn\u201c, sagt da Fr\u00f6me. Und die Verena, dei Halbschwester, is hiez durt und hat kan Angh\u00f6rign. \u2013 Was soll ma mit ihr? \u2013 Kann se ze enk? I bin da Vormund!\u201c<\/p>\n

Mei Halbschwester, denkt da Wegschader. \u2013 Nit zen glabn, da\u00df i a s\u00f6ttene Halbschwester han! \u2013 \u201eWird so a achtzehn Jahr sein, mei Halbschwester!\u201c \u2013 \u201eSo is es\u201c, mant da Gamperer. \u2013 Und i bin gleim bei die Siebzg!\u201c \u2013 Er schaugt in Fr\u00f6men an, aber er schupft lei die Achsln. \u2013 \u201eDie Wegschader haben noch kann von s\u00f6nere Leut vak\u00f6mmen glassn, wenn s\u00f6s nit durchaus von selber gw\u00f6llt haben.\u201c \u2013 \u201eSo han i mas gedenkt\u201c, pflichtet da Gamperer bei. \u2013 \u201eNoacher werd d\u00f6s se abholn?\u201c \u2013<\/p>\n

Weil da Bauer aber a Einwendiger is und nit weck will von daham und da Karl lieber in Waldweg laft, mue\u00df da Hans nach Eppan, die Verena abholn. \u2013 Er is ordentle aufgregt. Er hat als zehnjahriger Bue wohl es hamliche Luspern im Haus gh\u00f6rt, und d\u00f6 Senndin, a fests Weibsbild, hat er a gekennt. Ja, er kann se noch genau erinnern dran: Wie er im Summa amal in da Alm gwesn is, da seind se miteinander Arnika brockn gangen, zen Tinktur ansetzn. Und danach habn se auf an Bichl grastet. Die Senndin is \u00fcber ihm gsessn, und da hat er gsehn, da\u00df se kane Hosn anghabt hat unterm Kittl. Er wa\u00df das noch ganz genau, er hat se nit recht hinzeschaugn getraut, aber ob er w\u00f6lln hat oder nit, alleweil hats sein Kopf durchngedraht, und da hat er es erste Mal in da Hosn drin was gsp\u00fcrt und es \u00dcberschnaufn is ihm hirt worn. \u2013 So eppes vagi\u00dft de dei Lebtag niemmer!<\/p>\n

Und in Vater sei mulets Gsicht is ihm a noch in Erinnerung und da Muetter ihr Jammer. Und er sieht in Groa\u00dfvater noch, wie er zornig auf seiner Pfeifn ziecht, in Tisch eichnhaut und sagt: \u201eDas is mei Gschicht\u201c! \u2013<\/p>\n

Und hietz mue\u00df er die Verena abholn, sei zehn Jahr j\u00fcngere Tant! Und alleweil, derweil er mit s\u00f6nern Volkswagn durchs Pustatal eichn fahrt, siecht er zwa m\u00e4chtige wei\u00dfe F\u00fce\u00df unter an Kittl und kane Hosn dran. \u2013 \u201eTeufl eichn\u201c, \u00e4rgert er se. \u201eI bin ja ka Lausbua mehr!\u201c Und noacher sinniert er: Ob das wohl guet gehen wird bei s\u00f6nen daham mit der Verena!<\/p>\n

*<\/p>\n

Die Verena hat schon alls gepackt, wie er mitn Gamperer ins Haus kimmt. Wie er se siecht, wird ihm glei a bi\u00dfl leichter. A schlanke, zierliche Person, dunkle Haar, die schwarzn Augnbrauen seind fast zammgwachsn \u00fcber ihre blauen Augn, feine H\u00e4nd und an guetn Handdruck. \u2013 D\u00f6 hat nix ze tuen mit de wei\u00dfn F\u00fce\u00df untern Kittl. \u2013 Gott sei Dank!<\/p>\n

Beim Hamfahrn redn se mitanander, es is eigentlich gar nit so ze mirkn, da\u00df se se grad erst kennenglernt haben. \u2013 Die Verena fragt, wies ausschaugt daham. \u201eDaham\u201c, sagt se, denkt da Hans, als wenn se schon lang ze s\u00f6nen gh\u00f6ret! Und wann des genau bedenkst, gh\u00f6rt se ja wohl ze s\u00f6nen, seit Geburt an schon. \u2013 \u201eAber i wer halt a Fr\u00f6me sein bei enk\u201c, mant se und schaugt in Hans an. Der kann lei ab und zue an Blick durchntuen zen Dirndlen, die Stra\u00dfn is reidig, mue\u00dft aufpa\u00dfn. \u201eNo\u201c, sagt er zruck, \u201ewerst nit lang a Fr\u00f6me sein\u201c. Und nach aner Weil: \u201eSo wie de ausschaugst und wie de bist!\u201c \u2013 Die Verena kriegt a klans Lachn ins Gsicht und sagt lei: \u201eManst de?\u201c<\/p>\n

Is a gspa\u00dfiger Winter worn es selbige Jahr beim Wegschader. Die Verena hat auf a ganz bsundere Art es Haus angf\u00fcllt. Pl\u00f6tzlich is nix mehr laar gwesn im Haus, \u00fcberall, wo se gangen und gstandn is, is eppas von ihr zruckgebliebn.<\/p>\n

Im Saal im Oberstock hat se in an Kupferkessl Tannen\u00e4st auf die groa\u00dfe Tafl gstellt, in die Labn hat a klans Tischl eichnm\u00fcessn, da hat se die alte dreifue\u00dfete Gluetpfanne draufgstellt, und hietz bl\u00fchn die Barbarazweig drin. Da Bauer is oft die l\u00e4ngste Weil davorgstandn, hat in da Labn umagschaut, in Kopf gsch\u00fcttlt und gebrummt: \u201eM\u00f6chtst nit glabn, wie d\u00f6 paar Zweiglen unser Labn anders machen!\u201c<\/p>\n

Aber am meisten haben se se \u00fcber de mulete Tant Anna gwundert. De hat zerst die Verena angschaugt wie a grauslens Muettermal, aber hat nix gedauert, is zwischn d\u00f6 zwa Weiberleut a Glachter und Gekutter gwesn in da Kuchl drin und heut e wann hast de d\u00f6 zwa zammsingen gh\u00f6rt. Da is sogar der Karl in der Labn drau\u00dfn stehngebliebn, hat glost und a bi\u00dfl glacht: \u201eWas es alls gibt. \u2013 Die mulete Tant Anna und singen!\u201c<\/p>\n

Bald hat es Dirndle \u2013 zerst die verw\u00fcnschte Halbschwester und ausglachte Tant \u2013 lei mehr \u201ees Vrenele\u201c gha\u00dfn. Und da \u201einwendige\u201c Bauer hat, wie da Fasching k\u00f6mmen is, in Hans gschaffn: \u201eGeh aufn Tanz mit ihr, kannst se nit vasumpern lassn bei uns!\u201c Und da Hans hat se das nit zwamal sagn lassn. \u2013 Und amal, mittn beim Holzhackn, hat er die Kliebhackn in an Klotz eichn ghaut, hat se aufgrichtet und zen Karl durchn gsagt: \u201eEigentlich schad, da\u00df es Vrenele unser Tant is!\u201c<\/p>\n

Da is der Karl steif wie a Stock worn, und mit amal is es ihm aufngebrunnen, da\u00df er se umdrahn hat m\u00fcessn und ins Haus eichn gehen. Bald danach hat ihn da Hans mit da B\u00fcchsn \u00fcbern Waldweg aufngehn gsehn.<\/p>\n

Seit der Zeit is der Karl wieder die mehrern Nacht mit da B\u00fcchsn beim offenen Saalfenster gsessn, und die Sch\u00fcss haben grausig in die Nacht ausngep\u00f6llert. Und a da Hans, der sunst an gsundn Schlaf ghabt hat, is die l\u00e4ngste Weil wachglegn, und alleweil h\u00e4ufiger is er zen Karl ausngangen, und da seind se bade gsessn, haben in vaschniebenen Gartn ausngstiert und ka W\u00f6rtl gredet.<\/p>\n

Oft amal hat es Vrenele bei da Kammert\u00fcr ausagschaugt, hat in Kopf gebeutlt und gmant: \u201eD\u00f6s zwa, d\u00f6s seits wohl zwa gspa\u00dfige Heilige!\u201c \u2013 Da hat da Hans mit an m\u00fchselign Lachn gantwortet: \u201eGspa\u00dfig wohl, Vrenele, aber zen Heilign werds bei uns wohl kaum glangen!\u201c Und da Karl hat wieder aufs dege Marterle denkn m\u00fcessn, obn, nebn en Grabnweg, aufn schwarzn Bock und die gl\u00fcehenden Augn. Noacha hat er die Patronen aus bade Gwehrl\u00e4uf gezogn und is aufgstandn. \u201eGehn ma ins Bett!\u201c und bevor se auseinander gangen seind, hat er no sei Hand aufn Hans sei Achsl glegt: \u201eJa, mir zwa!\u201c hat er no gmant.<\/p>\n

Und alls andere is offngebliebn, hat lei so untergr\u00fcndig in d\u00f6 drei W\u00f6rtlen umagegrollt wie a Krankhet, de tief drin sitzt und nit ausakann. \u2013 Wer werd denn a redn \u00fcber so eppes, von dem de selber nit genau wa\u00dft, was es is, das de lei brennen sp\u00fcrst und vor dem de a Angst und a Lust zegleich hast. Da kinnet a W\u00f6rtl a Luftzug sein, der d\u00f6 H\u00f6ll hoachauf zen Brinnen bracht.<\/p>\n

*<\/p>\n

Seit dem Winter is da Hans alleweil weniger sein Talweg gangen, es Diskuriern und Singen in die Gasth\u00e4user hat ihn nimmer gfreut. Wohl hats ihn immer amal gepackt, er hat es Zeug weckgschmissn, es Sunntiggwand anglegt und furt is a gwesn. Hat aber nit lang gedauert, is er wieder daherk\u00f6mmen, oftamal is er schon beim Wegkreuz stehngebliebn, als wisset er nit, der w\u00f6lle Weg der seine is. Und da Vater hat ihm dabei traurig zuegschaugt. \u201eWird eppa decht nit a Inwendiger wern, unser Hans!\u201c Und dabei is ihm die Bitternis aufagstoa\u00dfn. Er wa\u00df, da\u00df es nit guet is, a \u201eInwendiger\u201c ze sein. Hast alleweil an Brockn in dir, luspert dir alleweil aner in die Ohrwaschl: \u201eNutzt e nix! Is e alls umsunst!\u201c Und es Leben ziecht se wie a groa\u00dfe Plag dahin, h\u00f6rst die V\u00f6gl nit, siechst ka Bl\u00fcemle vor lauter eichnlosn und eichnschaugn. Na, es is nit guet, a \u201eInwendiger\u201c ze sein. Da war er schoe lieber wie sei Vater, der no in die Siebzg d\u00f6 Senndin gschw\u00e4ngert hat. Und hietz wa\u00df er erst recht niemmer, wer in Hof amal \u00fcbernehmen sollt, und es war schuen h\u00f6chte Zeit, da\u00df was weitergang!<\/p>\n

Lei da Karl is wie fr\u00fceher sein Waldweg gangen und is alleweil schattiger worn. Die l\u00e4ngste Zeit is er bei d\u00f6 zwa Marterlen obn gsessn, hat die Reh v\u00fcrziechn glassn, ohne ze schie\u00dfn, und hat \u00fcber die st\u00fcckle Wand in Bach oachn gschaugt, und die Tiefn hat f\u00fcr ihn a grauslene Anziehungskraft kriegt.<\/p>\n

Die letzte Zeit lasst er gar seine F\u00fce\u00df in d\u00f6 Tiefn oachnglenggern, es is, als tat er lei auf den schwarzn Bock wartn, der ihm den letztn Rempler gabet.<\/p>\n

Und in aner Augustnacht, da Monet hat eiskalt hergebrunnen, is da schwarze Bock dagwesn. Aber so, wie er k\u00f6mmen is, hat ses da Karl nit gedacht. in ihm selber drin is er auf amal aufgsprungen, die Horn v\u00fcrhergreckt und hat ihm an Schupfer gebn, und da Karl hat aufgjauchzt, wie er in die Tiefn oachngseglt is, wie a Schwalbn, d\u00f6 se die Fl\u00fcgl gebrochn hat.<\/p>\n

*<\/p>\n

Und hietz steht a dritts Marterle auf dem Platz. Da Hans hats angschaffn. \u2013 Seit da Brueder toat is, is er lei mehr a halbeter Mensch. Es fahlt es gache Aufbrinnen in ihm drin, es Aufbrinnen im Guetn und im B\u00f6sn. Und was is denn da a Mensch, wenn gar nix mehr aufbrinnt in ihm drin? Zwar eppes tat wohl noch gl\u00fcehn unter der Aschn, wanns an Luftzug krieget. Und wenn er es Vrenele sieht, knisterts a bi\u00dfl.<\/p>\n

Und im Hirbest, es is grad a Jahr, da\u00df es Vrenele aufn Hof k\u00f6mmen is, da sitzen die badn aufn Banklen beim Wegkreuz.<\/p>\n

\u201eHansl\u201c, sagt es Dirndle, \u201ei wer furtgehn, du wa\u00dft ja, mit uns zwa tuets ka Guet. \u2013 I kinnet leicht amal vagessn, da\u00df i dei Tant bin.\u201c Und sie hat so a gspa\u00dfiges Lachn im Gsicht, von dem man nit genau wa\u00df, obs nit a Wanen is. Im Hans drin werds ganz finster mit an Mal. Er sieht kann Weg mehr, in Talweg nit, in Waldweg nit. So wird er halt a, wies da Vater getan hat, lei mehr bis zen Wegkreuz gehn, a bi\u00dfl stehn bleibn und noacha wieder hinter ins Haus.<\/p>\n

Und es Haus wird wieder laar sein, die Tant Anna wieder mulet. Und in Bachofn werd er lassn, wo er is, und wie da Vater weiter die laare Leutstubn hazn.<\/p>\n<\/p><\/div>\n<\/p><\/div>\n<\/div>\n","protected":false},"excerpt":{"rendered":"

Die Huebn ha\u00dft beim \u201eWegschader\u201c. Es lafn durt zwa Weg auseiander. Der ane f\u00fchrt schnurgrad in Wald eichn, quert in M\u00fchlbach und zagglt in Grabn entlang, bis er in der Alm is. Er is mehr stanig und hat a paar Bockbichl, d\u00f6 di zen Schwitzn bringen. Da andere Weg wa\u00df zerst nit recht, wohin er […]<\/p>\n","protected":false},"author":1,"featured_media":0,"parent":51,"menu_order":7,"comment_status":"closed","ping_status":"closed","template":"","meta":{"footnotes":""},"class_list":["post-57","page","type-page","status-publish","hentry"],"_links":{"self":[{"href":"https:\/\/www.josef-hopfgartner.at\/index.php?rest_route=\/wp\/v2\/pages\/57","targetHints":{"allow":["GET"]}}],"collection":[{"href":"https:\/\/www.josef-hopfgartner.at\/index.php?rest_route=\/wp\/v2\/pages"}],"about":[{"href":"https:\/\/www.josef-hopfgartner.at\/index.php?rest_route=\/wp\/v2\/types\/page"}],"author":[{"embeddable":true,"href":"https:\/\/www.josef-hopfgartner.at\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/www.josef-hopfgartner.at\/index.php?rest_route=%2Fwp%2Fv2%2Fcomments&post=57"}],"version-history":[{"count":1,"href":"https:\/\/www.josef-hopfgartner.at\/index.php?rest_route=\/wp\/v2\/pages\/57\/revisions"}],"predecessor-version":[{"id":173,"href":"https:\/\/www.josef-hopfgartner.at\/index.php?rest_route=\/wp\/v2\/pages\/57\/revisions\/173"}],"up":[{"embeddable":true,"href":"https:\/\/www.josef-hopfgartner.at\/index.php?rest_route=\/wp\/v2\/pages\/51"}],"wp:attachment":[{"href":"https:\/\/www.josef-hopfgartner.at\/index.php?rest_route=%2Fwp%2Fv2%2Fmedia&parent=57"}],"curies":[{"name":"wp","href":"https:\/\/api.w.org\/{rel}","templated":true}]}}